ജിദ്ദയില് ഇന്നലെ രാവിലെ മുതൽ ആരംഭിച്ച ഇടിയോടു കൂടിയ കനത്ത മഴ നാലഞ്ച് മണിക്കൂർ നീണ്ട് നിന്നതിനാൽ വൻ നാശ നഷ്ടങ്ങൾ, കുറേയേറെ ആളുകൾക്ക് മരണം സംഭവിച്ചു.ശക്തിയിൽ റോഡുകളിലൂടെയും മറ്റും ഒഴുകിയെത്തിയ വെള്ളത്തിൽ വലുതും ചെറുതുമായ നൂറുക്കണക്കിന് വാഹനങ്ങളും വീടുകളും ഒലിച്ച് പോവുകയും,വെള്ളം കേറിയതിനാൽ വ്യാപാര സ്ഥാപനങ്ങലിൽ നിന്നും മറ്റും ഒലിച്ച് വന്ന ഫ്രിഡ്ജ്, എസി, കമ്പൂട്ടർ മറ്റു സാധന സാമഗ്രികൾ നിർത്തിയിട്ട വാഹനങ്ങളിൽ വന്നിടിച്ച്, തെരുവോരങ്ങളിൽ പൊളിഞ്ഞ് പാപ്പർസൂട്ടായ വാഹനത്തിന്റെയും മറ്റും ഏതാനും ചില കാഴ്ചകൾ. ഞങ്ങളുടെ ചതകട വാഹനത്തിൽ വെറും നാല് കി:മി: സഞ്ചരിച്ച്(അത്രയേ ഞങ്ങൾ പോയതുള്ളു. അപ്പോഴേക്കും മഴ പെയ്തു. വെറുതെ എന്തിനാ വെള്ളത്തിൽ ഒലിച്ച് പോണെ? അല്ലെങ്കിൽ തന്നെ ആവശ്യത്തിന് ഞങ്ങൾ ഉരുകി ഒലിക്കുന്നുണ്ടല്ലൊ) ഒരു തല്ലിപ്പൊളി മൊബൈലിൽ ഇന്ന് വളരെ വൈകിയെടുത്തത്.
വേണമെങ്കിൽ ഫോട്ടോകൾ ക്ലിക്കി വലുതാക്കാം ആവശ്യമെങ്കിൽ പിന്നെയും ക്ലിക്കി വലുതാക്കാം
വേവുന്ന പുരക്ക് ഊരുന്ന കഴുക്കോൽ...അല്ല ഒലിച്ച് വന്ന മര ഉരുപ്പടികൾ ശേഖരിക്കുന്നവർ..പിറകിൽ നെറയെ ഉണ്ട് ഞങ്ങൾ കണ്ടത് നിങ്ങളെ കാണിക്കാൻ പറ്റൂല.
കുടിവെള്ളം കൊണ്ട് പോണ വെള്ള വണ്ടി മഴ വെള്ളം കണ്ടപ്പോള് മണലില് ആണ്ട്...
കിലോ പതിനാലിലെ പച്ചക്കറി മാർക്കറ്റ് ഇന്നത്തെ കോലം.
കുറേ കാലം മലക്ക് മുകളിൽ വെയിലും കൊണ്ട് ഇരുന്ന് മടുത്ത പാറക്കല്ലുകൾ റോഡിലേക്ക് ഇറങ്ങിയപ്പോൾ.
ഞാൻ ഒന്നുമറിയാതെ ഇവിടെ വിശ്രമിക്കയായിരുന്നു. വെള്ളം വന്ന് മണ്ണ് നഷ്ടപ്പെട്ടു പോയപ്പോൾ ഞാൻ മറിഞ്ഞു വീണു സോദരാ..
നീ ട്രെയ്ലറിന്റെ മുകളിൽ കേറിയാൽ ഞാൻ നിന്റെ മുകളിൽ കേറും...
അടിച്ചൊഴുക്കി തുടച്ച് നീകിയപ്പോൾ^
പ്ടും...!!!വെള്ളത്തിൽ കുണ്ട് കണ്ടില്ലായിരുന്നു..^
എന്റെ മോന്തന്റെ ഷെയ്പ്പ് തന്നെ മാറി..^
നീ കണ്ടെയ്നറിന്റെ അടിയിലേക്ക് പൊയ്ക്കൊ. എനിക്ക് ഉള്ളിലേക്ക് കേറണം...^
നിന്നെ പാതാളത്തിലേക്ക് താഴ്ത്തിയെ ഞാനടങ്ങൂ...^
പാവം ഞാനൊരു ഒഎബി അല്ല ജെസിബിയാ നിന്നേടത്ത് തന്നെ ആണ്ട് പോണൂ...^
ഞാനൊരു ലോറിമ്മെ കേറീ....^
ദിക്ക് തെരിയാതെ സൈഡിൽ...^ഇതൊക്കെയും മെയിൻ റോഡിൽ വളരെ വൈകി റണ്ണിങ്ങിലെടുത്ത (കുറഞ്ഞ)കാഴ്ചകളാണ്.
അതിനാൽ ഇതിൽ പെടാത്ത സീനുകൾ ഏറെയുണ്ട്. വേറേ ആളെടുത്ത മറ്റുഫോട്ടോകൾ ഉണ്ട്. അത് കിട്ടിയാൽ പെരുനാൾ കഴിഞ്ഞ് ഞങ്ങൾക്കും നിങ്ങൾക്കും കാണാം.
--------------------------------------------------------------
കരണ്ട് ഇല്ലാതെ പാട്ട വെളക്ക് കത്തിച്ച് ഞങ്ങൾ ഇന്നലെ രാത്രി വർത്താനം പറഞ്ഞ് (ടിവിയില്ലാത്തതിനാൽ അൽഹംദുലില്ലാ...)കെടന്നു. മെഴുകു തിരി ഒരാവശ്യ വസ്തുവല്ല. എമർജെൻസി ലൈറ്റുകൾ സ്വദേശികൾ വാങ്ങാറുമില്ല. ഫ്രീസറിൽ കിടന്ന മരവിച്ച കോഴി, മീൻ, ഇറച്ചികൾ അലിഞ്ഞ് പോയി.അങ്ങനെ ഞങ്ങളെ പെരുന്നാൾ ഒരേ ഒരു സംങ്കടം മാത്രം അവശേഷിച്ചു കൊണ്ട് വെള്ളത്തിലുമായി!!
ഇതൊക്കെ ഈ ഒഴിവ് ദിനങ്ങളിൽ തന്നെ സംഭവിച്ചല്ലൊ!!!
അപ്പൊ പിന്നെ നല്ലൊരു പെരുനാൾ ആശംസകൾ
13 അഭിപ്രായ(ങ്ങള്):
ചിത്രങ്ങൾ സഹിതം വിവരണം തന്നത് നന്നായിട്ടുണ്ട്..
എന്നാലും വിവരണത്തിൽ സ്വല്പം ഹാസ്യം കടന്നു കൂടിയത് ശരിയായൊ...?
എത്ര പേരുടെ ജീവനും വസ്തു വകകളുമാ നഷ്ടപ്പെട്ടത്...?
70 ലധികം ആളുകൾ മരിച്ചെന്ന് ഇപ്പോൾ ടിവി കണ്ടപ്പോൾ അറിയാൻ കഴിഞ്ഞു :(
പിന്നെ എന്തും ഒരു തമാശയോടെ കാണാൻ ശ്രമിക്കുന്ന സ്വഭാവം ഉള്ളത് കൊണ്ടും, കരണ്ട് വന്ന ഉടനെ ഇത് പോസ്റ്റ് ചെയ്യാൻ നിന്നതിനാലും ഇത്രയുമാളുകൾക്ക് ജീവൻ നഷ്ടപ്പെട്ടത് നേരത്തെ അറിയാൻ കഴിഞ്ഞില്ല.അത് മാത്രവുമല്ല ഞങ്ങൾ ജിദ്ദയിൽ ടൌണിൽ നിന്നും കുറേയേറെ വിട്ട് പഴയ മക്ക റോഡിൽ ഒരു മലം ചരിവിലാണ്.
മൊബൈൽ ബന്ധവും വിട്ട് പോയിരുന്നു. ഇതിൽ കാണുന്നതും ജിദ്ദ ടൌൺ തുടങ്ങുന്ന കിലൊ 14, കിലൊ 10 ന്റെ ഇടയിലുള്ള സ്ഥലങ്ങളാണ്. വലിയ ടൌണല്ല.
ഇപ്പോൾ എയർ പോർട്ടിൽ പണിയെടുക്കുന്ന സ്നേഹിതൻ വന്നു.വഴിയിൽ കാർ വെള്ളത്തിൽ താണ് പോയതിനാൽ ഒഴിവാക്കി പോന്നു.വിറ്റാൽ അതെടുക്കുന്ന കാശ് പോലും കിട്ടൂല എന്നും തൊട്ടടുത്ത് ഹെലികോപ്റ്ററും മറ്റും പൊക്കുന്ന വാഹങ്ങളിൽ നിന്നും ഡെഡ് ബോഡികൾ കാണുന്നുണ്ടെന്നും പറഞ്ഞു. അതും പിന്നെ താങ്കൾ പറഞ്ഞപ്പോഴും ഹാസ്യം നന്നായില്ല എന്ന് തോന്നുന്നു. ഇനിയിപ്പൊ അങ്ങിനെ കിടക്കട്ടെ നാളെ നോക്കാം.
എന്തു പറയാനാ ....
പ്രകൃതിയുടെ കളിയോ, അതോ പ്രകൃതിയെ അറിയാതെ കളിക്കുന്ന മനുഷ്യന്റെ തെറ്റോ?
അല്പം തമാശ ഒക്കെ ആകുന്നതില് കുഴപ്പമില്ല, ഒരു പക്ഷെ ഗൌരവം അറിയാതെ ഇട്ടതാവും .
രാവിലെ മഴ പെയ്തു തുടങ്ങിയപ്പോ ഒരുപാട് സന്തോഷം തോന്നി.
പുറത്ത് പെയ്യുന്ന മഴ ജനലിലൂടെ നോക്കി ആസ്വദിക്കുകയായിരുന്നു ഞാ൯
പക്ഷ... ഈ മഴ 70തോളം ആളുകളുടെ ജീവനെടുക്കാനാണ് വന്നതെന്ന് അറിഞ്ഞില്ല.
chithrangal kandum vivaram arinjum kankadapedunnu ..ethayaalum perunnal ashamsakal
:(
തകര്ത്തു ല്ലേ ...മഴ ..പെരുന്നാള് അവധിക്കു ജിദ്ദക്ക് വച്ചുപിടിക്കാം.. എന്ന് വിചാരിച്ചതാ ...പക്ഷെ മഴ താണ്ടവം ആടുന്നു എന്നറിഞ്ഞപ്പോള് ..റൂമില് തന്നെ ചടഞ്ഞു കൂടി ...ഇവിടെ (അബഹ ) ആണെങ്കില് ..മുടിഞ്ഞ തണുപ്പും
ചുരുക്കത്തില് പെരുന്നാള് വെള്ളത്തിലായെന്ന്! പ്രകൃതി കോപിച്ചാല് പിന്നെ ഒരു രക്ഷയുമില്ല.
ഹാസ്യം നന്നായില്ല എന്ന് തോന്നുന്നു. ഇനിയിപ്പൊ അങ്ങിനെ കിടക്കട്ടെ :)
പെരുനാൾ ആശംസകൾ!!
ഹോ! ഇത്രയ്ക്കൊക്കെ സംഭവിച്ചു അല്ലേ?
ഒരു പെരുന്നാള് മുടങ്ങിയല്ലെ :(
ഞാന് താമസിക്കുന്ന സ്ഥലത്ത് ഇത്രത്തോളം അപകടങ്ങള് ഉണ്ടായിരുന്നില്ല, അതുകൊണ്ടുതന്നെ ആദ്യമാദ്യം ഇതൊരു ലുന്ഗി ന്യൂസ് ആകും എന്നാണു കരുതിയത്. ഡിഷ് ആന്റിന കേടുവന്നതുകൊണ്ട് വാര്ത്തകളും കാണാന് പറ്റിയില്ല. പക്ഷെ പിന്നീട് പത്രങ്ങളിലും മറ്റും അറിഞ്ഞ വിവരങ്ങള് ഞെട്ടിപ്പിക്കുന്നത് ആയിരുന്നു.
പെരുന്നാള് ആശംസകള്
വീ കെ
അനിൽ@ബ്ലൊഗ്
സിനുമുസ്തു
the man to walk with
രാമചന്ദ്രന് വെട്ടിക്കാട്ട്
ഭൂതത്താന്
Typist | എഴുത്തുകാരി
ശ്രീ
siva // ശിവ
തെച്ചിക്കോടന്
ഇവിടെ വന്ന് ഇതെല്ലാം കണ്ട് അഭിപ്രായം പറഞ്ഞ എന്റെ പ്രിയ സുഹൃത്തുക്കളേ ഓരൊരുത്തർക്കും പ്രത്യേകമായി മറുപടി തരാൻ ആഗ്രഹമുണ്ടെങ്കിലും സമയം വളരെ കുറവുള്ള ഒരു ബ്ലോഗറായതിനാൽ ഇന്ന് അതിന് മുതിരുന്നില്ല. ഇനിയും വരിക കാണുക.
വിമർശിക്കുക. അത്മാർത്ഥമായി....
നല്ലതിനയി പ്രാർത്തിച്ചു കൊണ്ട്, എല്ലാവർക്കും ഈ എളിയവ്ന്റെ നന്ദി.
ഒരു അഭിപ്രായം പോസ്റ്റ് ചെയ്യൂ